Неодамнешно истражување покажа дека Британците во просек минуваат три и пол часа седејќи во тоалет. Една личност во просек минува 5 минути во тоалет во еден ден и ќе ја посети бањата меѓу 4 и 7 пати дневно. Но, експертите предупредуваат дека долгото седење на тоалетна школка не е здраво.
Доктори од клиниката Мајо предупредуваат дека долгото седење на тоалетна школка или напрегањето често е причина за појава на хемороиди.
„Иако можеби сега уживате да седите во тоалетот и читате вести на социјалните мрежи, но тоа може да го оштети вашиот ректум. Кога седите, тоа создава притисок на вените во долниот дел на ректумот што може да предизвика крвавење, односно појава на хемороиди кои можат да бидат болни“, вели експертот за здравје Стефани Тејлор.
Хемороидите најчесто исчезнуваат сами по себе, но постојат и потешки случаи кај кои мора да се побара медицинска помош. Поголема е веројатноста хемороиди да се појават кај уѓе кои не вежбаат, кај оние кои креваат тешко, кај бремени жени или луѓе кои страдаат од запек.
Напрегањето при користење тоалет може да го предизвика овој проблем.
„Освен тоа, напрегањето може да резултира со анални фисури, мали пукнатини во дебелото црево, во близина на анусот. Состојбата може да предизвика чешање, болка и крвавење. Во најлош случај, може да дојде до ректален пролапс“, вели Тејлор.
За да спречите појава на хемороиди јадете доволно растителни влакна, пијте доволно вода и немојте долго да седите на тоалетната школка.
