Четири пати беше лидер во асистенции во НБА лигата, дури шест пати водеше во освоени топки, девет пати беше биран за Олстар натпреварот и општо се смета за најдобар чист плејмејкер, генерал на паркетот во овој милениум, а можеби и во историјата.
Сепак, никој не го сака Крис Пол.
И тоа нема врска со неговите квалитети како играч, иако изминатава сезона беше видливо дека почнува да го чувствува притисокот на годините. Покрај неговата возраст од 34 години, причината зошто не е привлечен за НБА клубовите се неговиот „солен“ договор и незгодниот карактер.
Пол најверојатно ќе ја почне неговата 15-та НБА сезона во Оклахома Сити Тандер, иако тоа не беше првичниот план ни за него, ни за клубот.
Како што објавија американските медиуми, клубот не е во можност да најде начин за размена на Пол, иако првично беше планирано тој да биде разменет веднаш по потпишувањето на договорот.
Крис Пол беше трејдуван во Оклахома од Хјустон за Расел Вестбрук. Покрај тоа, Оклахома доби право да избере во првиот круг на Драфтот во 2024 и 2026 година, како и изборот на Драфтот во 2021 и 2025 година.
Минатото лето тој со Хјустон го потпиша еден од најголемите договори во НБА историјата, според кој за четири години требаше да му донесе 159 милиони долари, како и зголемување на платата секоја година. Тоа значи дека во последната година од договроот, кога ќе има 36 години, ќе заработува дури 44 милиони, што ќе биде значително несразмерно во однос на неговите можности што веќе се во опаѓање.
Не му помага ни тоа што со години го следи репутацијата на тежок соиграч, тема што на широко ја дискутираа гостите во студиото на ESPN, Џејлен Роуз и Кендрик Перкинс: