Сè поголем број луѓе со месеци по закрепнувањето од ковид чувствуваат симптоми. Така, кашлицата може да трае со недели и месеци.
Овие пост-ковид симптоми обично вклучуваат кашлица, умор и диспнеја. Истражувањата покажуваат дека кај некои пациенти кашлицата може да трае со недели и месеци по инфекција со SARS-CoV-2.
Зошто се кашла по прележан коронавирус?
Кашлицата обично е рефлексна акција на отстранување на прашина и други иританси од белите дробови и душникот. Со времето кашлицата може да се развие во циклус кога прекумерната кашлица предизвикува иритација и воспаление, со што се влошува. Сувата кашлица обично нема очигледна причина и со одредени совети може да се спречи или целосно да исчезне.
Проблематичната кашлица може да нè натера да дишеме на уста што значи дека многу сув воздух влегува во белите дробови влијаејќи на чувствителната мембрана на дишните патишта и предизвикува понатамошна кашлица.
Важно е и понатаму да ги исфрлате секретите од белите дробови по прележан ковид. Тоа ќе ја намали можноста за повторни инфекции на градниот кош и ќе овозможи послободно да дишете во текот на вежбањето и секојдневните активности.