За време на Рамазан муслиманите имаат за цел духовно да пораснат и да изградат посилна врска со Бог.
Секоја година муслиманите ширум светот со нетрпение го очекуваат појавувањето на новата месечина, која официјално го одбележува првиот ден од Рамазан, деветтиот месец во исламскиот календар и најсвет месец во исламската култура.
Овој месец за исламските верници е свет бидејќи во него почнала објавата на Куранот.
Исламскиот календар е лунарен календар и месеците осговараат на почетокот на новите месечени фази. Со оглед на тоа што исламскиот календар е пократок за 11 до 12 дена од сончевата година, датумот на почеток на Рамазан се менува.
Почетокот и крајот на Рамазан го одредува одборот за набљудување на Месечината, кој се наоѓа во Саудиска Арабија. Држави како Египет, Бахреин, Кувајт, Оман, Катар и ОАЕ се водат според саудиското одредување, како и други земји како што се Индонезија, Либан, Мароко, Сирија, балканските држави... Останатите се водат спопред сопствени набљудувања на младата месечина.
За време на Рамазан муслиманите имаат за цел духовно да пораснат и да изградат посилна врска со Бог, или Алах. Тоа го прават така што се молат и го читаат куранот, а се воздржуваат од оговарање, лажење и кавги.
За време на целиот месец, помеѓу изгревањето и заоѓањето на сонцето, за сите муслимани е обавезен постот (освен за болни, трудници, патници, стари луѓе и жени што имаат менструација). Пропуштените денови од постот може да се надокнадат во остатокот од годината.
Оброците се прилика за муслиманите да се соберат со другите во заедницата и заедно да го прекинат постот. Појадокот пред зората, или сухур, обично се прави во 4 часот утрото пред првата молитва во денот, Фаџр или Сабах намаз.
Вечерниот оброк, ифтар, може да почне кога ќе заврши молитвата на зајдисонцето, Магреб - обично околу 7 и 30 часот, но варира во зависност од периодот во годината кога се паѓа Рамазан.
Бидејќи пророкот Мухамед постот го прекинувал со урми и чаша вода, муслиманите јадат урми и за сухур и за ифтар. Урмите се богати со хранливи материи, лесно се варат и на телото му обезбедуваат шеќер по долгиот ден постење.
По последниот ден од Рамазан, мислиманите го прославуваат неговиот крај со Рамазан бајрам - фестивал за прекин на постот - кој почнува со заедничка молитва в зори. Во трите дена славење, учесниците се собираат да се помолат, јадат, разменуваат подароци и оддаваат чест на починатите роднини. Некои градови се и домаќини на карневали и големи молитвени собирања.
