Популарниот робот-куче Spot на компанијата Boston Dynamics доби сериозна конкуренција. Швајцарската компанија ANYbotics го претстави ANYmal, робот дизајниран да патролира низ индустриски комплекси и да истражува тешко пристапни локации.
Опремен со софистицирани оптички, аудио и топлотни сензори, како и со посебна камера, со леснотија го скенира опкружувањето.
Роботот располага со AI алгоритам со кој детектира потенцијален проблем и испраќа извештај до дежурниот техничар. На овој начин се скратува време за дијагностика и решавање проблеми.
Кога ќе ја заврши задачата, роботот автоматски се приклучува на станица за полнење, а неговата батерија гарантира автономија до 90 минути.
Отпорен е на прашина и на вода, па може да се користи во сите услови.
