Менаџерот на Челзи Маурицио Сари бесен го напушти последниот тренинг на „Сините“ пред вечерашното финале на Лига Европа против Арсенал.
Сари беше видно исфрустриран додека го напушташе теренот и го фрли и шутна капчето на Олимпискиот стадион во Баку, Азербејџан.
Напаѓачот Гонзало Игуаин и дефанзивецот Давид Луиз разменија неколку збора откако имаа конфликт, но Челзи соопшти дека бесот на Сари не се должел на неговите играчи.
Тој наводно не бил задоволен бидејќи не можел да вежба прекини на тренингот што беше отворен за медиумите.
Многу се шпекулира за иднината на Сари и стратегот рече дека ќе разговара со челниците на клубот по финалето на Лига Европа.
Финалето меѓу Челзи и Арсенал се игра вечерва од 21 часот.