Сонот е една од потребите на човечкиот организам што ако не е задоволена, не можеме да функционираме. Недостатокот на сон може да ја наруши способноста на телото да закрепне од секојдневниот умор, а може да резултира и со зголемување на телесната тежина и нарушување на функцијата на мозокот.
Една од најчестите причини зошто се чувствувате уморни е бидејќи не спиете доволно, но што кога спиете седум до осум часа, а пак се будите уморни и ненаспани?
Најчесто причината за овој вид на умор лежи во вашите навики на спиење, односно квалитетот на спиењето. Можеби се будите во текот на ноќта и немирно спиете, а не сте ни свесни за тоа.
Нередовниот циклус на спиење исто така е важен фактор. Ако не легнувате и станувате во исто време секој ден и не спиете ист број на часови редовно, ќе се будите уморни.
Рутината е многу важна и треба да се придржувате до неа најдобро што можете, ако сакате квалитетно да се наспиете и да го искористите максимално времето кога сте будни.
Тоа значи дека треба да спиете барем 7-8 часа и да имате непрекинат, цврст, ноќен сон и да си легнувате и да се будите секој ден во исто време.
Тоа нема да биде лесно ако вашиот циклус на спиење е нарушен, но потрудете се да поставите реален распоред на спиење што ќе ги вклучува и викенд деновите.
Исто така, одбегнувајте да внесувате кофеин и алкохолни пијалаци пред спиење, бидејќи овие состојки предизвикуваат дехитратација на организмот, а тоа ќе значи немирно спиење и често будење во текот на ноќта.