Понекогаш доцните дури и кога ќе се разбудите на време, ќе појадувате па дури и успеете да гледате вести наутро и да посурфате на мобилен, но кога ќе се опуштите мислејќи дека имате доволно време настанува вистински хаос.
„Само уште ова“
Истражувањата покажуваат дека ова е една од главните причини за доцнење. Ако секогаш се обидувате да одговорите на само на уште еден меил, набрзина да ја дочистите кујната или да изгледате само уште едно видео на YouTube, тогаш спаѓате во оваа група. Обидете се барем едно од овие нешта да одложите за подоцна и проблемот е решен.
Ненаспаност
Oвој сегмент се однесува на раните утрински часови што за оние кои сакаат да спијат повеќе претставува проблем. „Само уште 5 минути“ е реченица со која многу го започнуваат работниот ден, а поради која секое утро брзаат да се подготват и секогаш доцнат. Легнете си порано па нема да имате проблем да станете на време.
Лоша проценка на времето
„Таму сум за 5, 10 или 15 минути“ е реченица која ја изговараат оние кои доцнат, а која најчесто не е точна. Кога некој ќе ве праша колку време ви е потребно да стигнете на работа или на одредена закажана средба најчесто немате точна претстава и кажувате многу помалку време, а токму затоа доцните.
Заборавање
Паничната потрага по клучеви, паричник или мобилен телефон неколку секунди пред да излезете од дома или враќањето од пола пат по нив е уште една честа причина за доцнење.
Лоша организација на време
Една од причините поради која сè правиме во последен момент, а која резултира со доцнење е лошата организација на времето. Изјавата „Ништо не стигнувам да направам“ најчесто е причинета од лошиот распоред, а не од недостаток на време.