Токму кога се чини дека сè оди добро меѓу вас и вашата симпатија, контактот одеднаш се прекинува. Експерт зборуваше повеќе за оваа појава, која е позната како гоустинг (ghosting).
Истражување објавено во Journal of Experimental Psychology: General наведува дека гоустингот обично е кукавички обид да се избегне повреда на некого без да се сфати колку болка всушност тоа предизвикува.
Је Џин Парк, авторот на студијата, признал дека и тој самиот го практикувал ова.
„Гоустингот стана особен популарен за време на пандемијата на коронавирусот, кога комуникацијата се пресели на интернет. На луѓето им стана уште полесно да прекинат контакт со некого. Кога мојот колега Надав Клајн ме праша дали сум заинтересиран да го истражувам овој феномен, бев возбуден“, вели тој.
Во интервју за PsyPost, рече дека гоустингот не секогаш е резултат на недостаток на грижа за некого.
„Многу луѓе го прекинуваат контактот за да ги заштитат другите од болка. Не сфаќаат дека игнорирањето е обично полошо отколку да му кажете на некого отворено дека не сте заинтересирани за врска. Искреноста боли некое време, но тишината остава отворена рана“, заклучи експертот.
