Истражувањата покажаа дека постарите жени се посреќни со помлади мажи.
Апликациите за запознавање докажуваат дека атрактивните средовечни жени имаат поголема веројатност да привлечат згоден млад маж на 20-тина или 30-тина години, а нема да му фрлат око на некој 56-годишен кој не е во форма, со пивски стомак и мноштво здравствени проблеми.
Познатиот сексолог и советник за врски Трејси Кокс смета дека таквите мажи, пак, бараат жени помлади од 40 години, убедени дека би можеле да бидат привлечни за таа група жени. Ова е една од причините зошто многу средовечни жени ја откриваат радоста да излегуваат со некој многу помлад од нив.
Податоците од американскиот попис покажуваат дека процентот на бракови меѓу постари жени и помлади мажи се зголемил во последните две децении: 14 проценти од браковите на жени над 50 години биле со партнер најмалку пет години помлад.
Не само што на жените им е полесно да излегуваат со помлади мажи, туку и оние кои го прават тоа се посреќни. Една американска студија која опфати анкета на 300 жени покажа дека жените со партнер најмалку десет години помлад се посреќни од оние со партнери на нивна возраст или постари.
Не сите млади мажи се отворени за состаноци со постари жени, а не секоја жена е погодна за врска со помлад маж.
Типот на жена која има тенденција да излегува со помлад маж е обично попривлечна од просечната жена на иста возраст. Овие жени не мора да изгледаат помлади од нивните години, но имаат многу сексипил.
