Знаеме што е она што дебелее: јадеме повеќе калории отколку што согоруваме. Иако ова е точно, пак не одговара на уште поинтересното прашање – зошто воопшто се прејадуваме?
Ошто понекогаш чувствуваме незапирлив нагон да изедеме парче торта или чоколадо иако знаеме дека неколку минути ќе се каеме за тоа?
Дали станува збор за стрвност, или нешто друго е во прашање?
Иако самоконтролата е важна, има сѐ повеќе докази што укажуваат дека стресот игра голема улога во дебелеењето.
Хроничниот стрес го пореметува спиењето и нивото на шеќер во крвта, а тоа води кон зголемено чувство на глад и јадење за да се смириме.
Тоа пак води кон ново пореметување на сонот, уште повисоко ниво на стрес и уште попореметени нивоа на шеќерот во крвта. Со тек на време, тоа придонесува за нездраво ниво на масни наслаги, но и за појава на дијабетес тип 2.
За да открие што точно се случува, доктор Гил Јео заедно со група научници од Универзитетот Лидс направи експеримент во кој се стави во исклучително стресни ситуации во текот на еден ден.
Научниците прво побарале од него да го направи т.н. Мастрихт стрес тест.
Го седнале пред компјутер и му дале математичка задача што морал да ја реши брзо – да го одземе бројот 17 од бројот 2.043. Постојано правел грешки, што за некого како Јео е многу стресно.
Потоа му рекле да ја стави дланката во сад со вода со мраз и да ја држи внатре. Пред и по овие тестови му било мерено нивото на шеќер во крвта.
Нивото на шеќер се покажува кога јадеме и кај здрави луѓе, како Јео, за кратко време се враќа назад во нормала.
Меѓутоа тимот научници открил дека денот кога Јео бил намерно ставен под стрес, му биле потребни три часа за да му се врати нивото на шеќер во крвта во нормала, што е шест пати подолго отколку во денови кога не бил под стрес.
Причината зошто се случува ова е бидејќи кога сте под стрес, телото се става во позиција „бори се или бегај“. Телото мисли дека е нападнато и лачи глукоза во крвта за да им даде енергија на мускулите. Меѓутоа, ако не ви треба енергија за да побегнете од опасноста, панкреасот ќе почне да лачи инсулин за да го врати во нормала нивото на шеќер во крвта.
Ова покачување на нивото на инсулин и намалување на нивото на шеќер ќе ве огладне, што е причината зошто посегнуваме по јаглехидрати, односно нешто благо, кога сме под стрес.
Слично нешто се случува кога лошо спиете.
Едно неодамнешно истражување покажа дека кога не сме доволно наспани, внесуваме во просек дополнителни 385 калории дневно, што е еднакво на еден голем мафин.
Докторите препорачуваат пред сѐ да сте убаво наспани. По тоа се подразбира квалитетен, цврст, непрекинат ноќен сон од најмалку 7 часа.
Потоа, почнете да применувате техники за ослободување од стресот, како медитација, физичка активност, јога или работа во градина.
Пробајте да е ослободите од стресот со некоја од овие три мобилни апликации.
