Здравје

Зошто треба да јадете јагоди?

5. јуни 2019 - 16:58 | А.С.

Почна сезоната на јагоди што многумина со нетрпение ја очекуваа.

Освен што се превкусни, сочните јагоди се исто така многу добри за вашето здравје.

Во една шолја свежи јагоди има само 46 калории и затоа се одличен избор да се засладите без да имате грижа на совест.

Една шолја јагоди исто така содржи повеќе витамин Ц од минималната дневна препорачана доза, што значи дека јагодите се одличен антиоксиданс, а исто така помагаат да се поттикне производството на колаген што резултира со затегната и свежа кожа.

Јагодите имаат противвоспалително дејство, а според најновите истражувања се добри и за здравјето на мозокот. Во едно истражување спроведено во Велика Британија, резултатите покажаа дека жените кои јаделе една до две порции јагоди дневно имале помал степен на губење на когнитивните функции во споредба со оние кои не изеле барем осум јагоди дневно.

Една шолја јагоди исто така ја обезбедува дневната доза манган, минерал што помага во производството на колаген и го подобрува здравјето на кожата и коските.

Оваа количина јагоди содржи и околу 3 грама растителни влакна, кои овозможуваат непречена работа на дигестивниот систем.

Јагодите исто така го поттикнуваат „добриот“ холестерол и ја поттикнуваат циркулацијата.

Коментирај