Јаткастите плодови треба да бидат дел од секојдневната исхрана и се препорачуваат за ужинка.
Ве заситуваат, содржат протеини и добри маснотии, витамини од Б и Е групата, како и магнезиум, калиум, калциум, фосфор, цинк и железо.
Може да ги консумирате секој ден, само не треба да претерувате. На овој начин, не само што позитивно влијаат на здравјето, туку и на изгледот.
Дневниот препорачан внес е 30 грама. Исто така, може да ги додадете во свежото овошје, во колачи или грчки јогурт.
Бадеми
Бадемите ги зајакнуваат коските, но и мускулите. Тие се одличен извор на фосфор и магнезиум, ја ублажуваат анксиозноста и ја елиминираат несоницата.
Ф’стаци
Ф’стаците го регулираат шеќерот во крвта и го поттикнуваат метаболизмот.
Ореви
Оревите содржат антиоксиданси. Познато е дека се одлични за паметење и за работа на мозокот, како и за одржување на линијата и одлично варење.
Лешници
Лешниците го намалуваат лошиот холестерол, ја спречуваат анемијата, ја подобруваат работата на црниот дроб. Лешниците содржат влакна, железо, фосфор, фолна киселина, калциум, магнезиум и витамин Б.
Индиски ореви
Се препорачуваат да ги јадете пред тренинг. Богати се со протеини и јаглехидрати.
Семки од сончоглед
Поради присуството на триптофан, овие семки го намалуваат апетитот и со самото тоа имаат позитивно влијание на линијата.
Семки од тиква
Го подобруваат варењето бидејќи се богати со протеини и имаат противвоспалително дејство.
Кикирики
Кикириките содржат добри маснотии, витамин Е, витамин Б3 и фолна киселина која е важна во бременоста.