Со јогурт или во салата, боровинките може да ги консумирате во секоја комбинација. Се препорачуваат како регуларен дел од здравиот начин на исхрана, пишува Huffington Post.
Нутриционистот Лиса Јанг секогаш им препорачува боровинки на нејзините клиенти, а и самата редовно ги јаде. Боровинките не содржат доста калории, една шолја боровинки има околу 80 калории. Многу се хранливи, содржат антиоксиданси како витамин Ц, манган, содржат многу растителни влакна.
Можат да придонесат за здравјето на срцето и намалување на срцевите тегоби. Исто така го регулираат крвниот притисок.
Соединенијата коишто им даваат сина боја на боровинките имаат својства кои поволно влијаат на инсулинската чувствителност и затоа сокот од боровинки е добар за возрасните кои страдаат од дијабетес.
Консумирањето боровинки ја намалува можност од заболување од канцер, ова го покажа истражување спроведено на глувци. Резултатите покажаа дека боровинките имаат позитивно влијание на превенција од рак на дојка.
Боровинките не дебелеат, хранливи се, многу здрави и вкусни и може да ги користите како сок, во колачи и мафини, но и како најздрава ужинка за најмалите.