Според студија објавена во Nutrients, спортисти кои јаделе по две киви дневно во текот на еден месец го намалиле оксидативниот стрес предизвикан од интензивниот физички тренинг.
„Спортистите кои рутински тренираат со висок интензитет обично земаат голема количина кислород кога вежбаат“, објаснува нутриционистот Метју Кејди.
Што е оксидативен стрес?
Со текот на времето може да ја оштети ДНК-та, поради што може да се јават здравствени проблеми.
Оксидативен стрес може да биде предизвикан од интензивно вежбање, но и од консумирање пестициди кои се на овошјето и зеленчукот, алкохол, загадувачи во воздухот, па дури и од консумација на храна богата со шеќери и масти.
Поради тоа е многу важно да јадете храна богата со антиоксиданси за да се подобри рамнотежата, а токму киви овошјето е богато со нив, пишува Eat This, Not That.
Истражувачи од Јапонија открија дека оние кои јаделе киви двапати дневно ги намалиле штетните ефекти предизвикани од оксидативниот стрес, зголемувајќи го нивото на антиоксиданси.
Друго истражување покажа дека киви овошјето содржи антиоксидативни својства кои можат да се борат против оксидативното оштетување на ДНК-та. Едно истражување сугерира дека во кивито се присутни антиоксиданс и витамин Ц кои можат да помогнат во лекувањето астма.
