Според резултатите од една нова студија, водењето љубов наутро има многу предности.
Освен што има поволно влијание на здравјето, утринскиот секс носи и поголемо задоволство и поголема шанса да доживеете оргазам.
Во седум и пол часот наутро, телото произведува цел бран на секс хормони и наплив на адреналин, па сексот наутро е вистинскиот начин да се започне денот. И двајцата сте одморени тогаш, и вашите сетила се зголемени, така ќе почувствувате посилни дразби.
Истражувањето спроведено во Италија покажа дека за време на утрински секс, паровите имаат поголема веројатност да доживеат оргазам, но и да зачнат дете. Покрај тоа, паровите кои водат љубов наутро, во текот на денот ќе бидат подобро расположени и пооптимистични, а нивниот имунолошки систем ќе биде посилен.
Научниците кои ја спроведоа оваа студија заклучуваат дека луѓето кои денот го започнуваат со секс се поздрави и посреќни од луѓето кои денот го започнуваат со шолја кафе и парче тост. Утринскиот секс ги намалува шансите за заболување од грип и настинка, но исто така го подобрува општото здравје и изгледот на кожата, косата и ноктите.
Сексот наутро го ослободува хормонот на среќата окситоцин, кој ги охрабрува паровите да чувствуваат дополнителна меѓусебна поврзаност. Покрај тоа, утринскиот секс ве прави поздрави и поубави.
Други студии исто така ги потврдуваат придобивките од утринскиот секс, па истражувањето на Универзитетот во Квинс во Белфаст покажа дека практикувањето секс три пати неделно може да го намали ризикот од срцев или мозочен удар за половина.
Студија на Универзитетот во Нотингем откри дека мажите кои редовно имаат сексуални односи во педесеттите години се помалку изложени на ризик од рак на простата.
