За паровите кои не успеваат да станат родители по природен пат, првиот чекор е ин витро оплодување.
Од колку обиди успева вонтелесното оплодување (ВО)? Која е причината зошто не успева првиот пат? Дали старосната граница е поместена? На оваа тема, но и на други од областа на гинекологијата зборуваше д-р Небојша Зечевиќ, специјалист по гинекологија и акушерство, во емисијата Jutro.
На прашањето зошто ин витро оплодувањето не успева првиот пат, докторот вели:
„Добро и тешко прашање, на кое се обидувам да одговорам 40 години. ВО напредува, тоа е охрабрувачка вест. Кон крајот на седумдесеттите години започна ВО, а успехот на пионерите во ембриологијата и биологијата беше низок. Денеска се изведуваат околу милион ВО, а родени се 250.000 деца. Успешноста денес е поголема по обид и изнесува 25 проценти. Во нашата болница, каде што работам, успешноста ја делиме во две категории – успешност кај жени до 38 години и успешност после тие години. Бројките варираат, а стапката на успешност кај помладите жени изнесува и до 50 проценти. Успешноста постојано расте“, вели Зечевиќ.
А од што зависи успехот на ин витро оплодувањето?
„Има неколку фактори, а еден од најважните фактори е возраста на жените, а возраста на мажите е секундарна во тој процес. Ако жената се породи во триесеттите, јајце клетките ѝ се стари 30 години... Други фактори, ендометриоза, инсулинска резистенција, полицистични јајници... Она што е важно е дијагнозата на стерилитет да се спроведе многу брзо“, нагласува тој.
Остатокот од прилогот погледнете го во видеото подолу.
