Третиот тенисер во светот Александар Зверев вели дека Новак Ѓоковиќ е најдобриот тенисер на сите времиња, како и дека се надева дека светскиот рекет број 1 ќе игра во Австралија.
„Федерер и Надал се секогаш омилени и од страна на навивачите и од страна на медиумите, што не е случај со Новак. Сепак, луѓето не можат да ги игнорираат рекордите. Тој има ист број на Грен слем титули како и Федерер и Надал. Има повеќе мастерси, рекорден број недели како број 1 и одличен е на сите терени. Бројките не можат да се игнорираат. Новак е едноставно пред сите“, рече Зверев и додаде:
„Играат еден против друг во последните 15 години. Бројките не лажат. Важен е бројот на недели на првото место, а Новак е пред сите. Ако сите тројца престанат да играт, би сакал да го видам Новак како број еден.
Германецот е свесен дека може да стане и светски број 1 после АО.
„Знам дека не сум далеку, но морам да освојам повеќе титули и Грен слемови. Сè уште не се знае дали ќе игра Новак на Австралија Опен. Се надевам дека ќе му дозволат да игра, тоа е јасно. Јас очекувам дека ќе игра и веќе се подготвувам“, рече Зверев.
Австралија Опен почнува на 17 јануари.