Германскиот тенисер Александер Зверев доби суспензија од 8 недели и парична казна од 25.000 долари поради неспортско однесување, објави официјалната веб-страница на АТП. Двете санкции се изречени условно со пробен период.
Дваесет и четиригодишниот Германец по поразот во 1. коло на турнирот во двојки во Акапулко на крајот на февруари, се приближи до главниот судија и неколку пати со рекет удри по столицата.
АТП сега му изрече на играчот парична казна од 25.000 долари и осумнеделна суспензија, која ќе биде активирана во случај на повторна повреда за време на условната казна до 23 февруари 2023 година.
Зверев може да се жали на одлуката до 11 март.
Претходно Зверев доби казна од 40.000 долари поради однесувањето на турнирот во Акапулко. Тенисерот загуби и 31.570 долари од наградниот фонд и сите рејтинг поени заработени на турнирот.
