Новак Ѓоковиќ и Александар Зверев играат за финалето на УС Опен.
Ова е голема шанса на светскиот рекет број 1 да му се „одмазди“ на Зверев за болниот пораз на ОИ во Токио.
Зверев откри неколку работи за тоа како може да се совлада Новак, иако ова му успеа само три пати во кариерата од 9 обиди.
„Пред да почнете да играте против Ѓоковиќ, мора да знаете што е неопходно за да се подготвите најдобро што можете. Мора да бидете совршени. Во спротивно, нема да победите. Затоа и другите тенисери губат од Новак“, вели Зверев.
„Ако сакате да го победите Ѓоковиќ, мора да се борите сами. Мора да ги контролирате нападите и постојано да напаѓате. Не смеете да правите многу грешки“, додаде тој.
Зверев сепак призна дека Новак е најдобриот тенисер во светот и многу е тешко да го победите. „Јас го постигнав тоа еднаш, но ми се чини дека Новак е непобедлив на Грен слемовите“, заклучи тој но, додаде „само јас успеав да го победам на меч кој му беше важен и тоа ми дава самодоверба“.
