Германскиот тенисер Александар Зверев вели дека Новак Ѓоковиќ е човек кој го разбира и дека заслужува огромна почит.
Зверев го победи Ѓоковиќ со 7:6(7:4), 4:6, 6:3 во полуфиналето на АТП мастерсот во Торино.
„Ова беше одличен меч, ми беше потребна сила. Игравме пет пати оваа година и секогаш беше голема битка. Не постои човек во светот кој заслужува поголема почит од Ѓоковиќ. Понекогаш сите сме емотивни и не се однесуваме како што треба. Со оглед на тоа како започна и што сè постигна, тој е најдобриот на сите времиња. Луѓето треба да го разберат тоа еднаш засекогаш“, рече Зверев.
Зверев истакна дека Новак го разбира и со него може да разговара. „Дискутираме за тенисот, но и за други животни теми. Затоа го почитувам“.
Зверев за титулата ќе игра со Данил Медведев.
