Новак Ѓоковиќ со триумфот на Ролан Гарос покажа дека може да игра одлично и на земјен терен.
Светскиот рекет број 1 се подготвува за Вимблдон, а тениските стручњаци и понатаму анализираат како дојде до ваков голем успех.
Матс Виландер е изненаден со фактот дека Новак може да губи 0:2, а потоа да се врати во игра и да победи.
„Пред многу години зборував со Фабрис Санторо и тој ми рече, ако сакаш да бидеш добар дефанзивец, не ја гледај топката, туку само противникот, каде стои, неговата ротација на рамото, и тоа ќе ти покаже како да одиграш. И Новак го прави истото, не ја гледа само топката, туку и ставот на противникот. Тоа е исто како математика“, вели Швеѓанецот.
Миша Зверев, братот на Александар Зверев, кој последните неколку месеци работи и како коментатор на Еуроспорт, објасни што прави Новак на теренот.
„Размислува, кој е процентот како ќе одигра неговиот противник, ги комбинира сите тие факти и информации. тој е како суперкомпјутер, може да се прилагоди многу брзо и да одигра во вистинскиот правец“, заклучи Зверев.
Ѓоковиќ за Вимблдон ќе се подготвува на Мајорка, а во Лондон од 28 јуни ќе се бори за 20. грен слем во кариерата.
