Италијанскиот актер Микеле Мороне, ѕвездата на полскиот еротски филм „365 Days“, најгледаниот филм на Netflix во текот на минатиот месец, потпиша договор со модниот бренд Guess и креаторот Пол Марчијано.
Според договорот, Мороне ќе ја рекламира новата колекција на празнични машки костуми.
29-годишниот актер, според пишувањето на TMZ, потпишал шестоцифрен договор благодарение на огромната популарност со која се стекна во улогата на мафијаш од Сицилија во еротската крими-драма „365 Days“.
Актерот ќе снима фотографии за новата колекција, ќе има јавни настапи и ќе промовира машки костуми на социјалните мрежи. Според пишувањето на медиумите, сопругата на Марчијано е обожавателка на сексапилниот актер па токму таа предложила тој да биде заштитно лице на брендот.
Животот на Микеле Мороне пред снимањето на филмот бил сосема поинаков, тој заработувал 600 долари месечно како градинар по разводот со сопругата. Иако има студирано глума и работел во театар, по разводот страдал од депресија и решил повеќе да не глуми. Но, животот целосно му се променил по улогата на Масимо во „356 Days“.
