Актерката Бела Рамзи објави дека е небинарна личност. Во интервју за The New York Times откри дека не ѝ сметало што во детството ѝ се обраќале и како да е машко.
„Претпоставувам дека мојот род отсекогаш беше флуиден“, вели Бела.
„Некој ќе ме наречеше 'таа' и не се замарав со тоа, но кога некој ќе ме наречеше 'тој', ми беше така малку возбудливо“, додаде.
Таа исто така изјави дека ако во некој формулар треба да го означи полот, ќе го обележи полето „нибинарен“.
„Јас воглавно сум само личност. Да се биде одреден по род не е нешто што особено ми се допаѓа, но кога станува збор за личните заменки навистина не ми е гајле“, рече актерката.
Оваа млада девојка, која има 19 години, глуми во серијата The Last of Us која настана благодарение на популарната истоимена PlayStation видео игрица од 2013 година во која дејтсвото се одвивца 20 години откако модерната цивилизација е уништена поради пандемија која повеќето луѓе ги претворила во зомбија.
Креаторот на серијата, Крег Мејзин, неодамна откри декан интензивно трагал по „својата Ели“. Но, штом за видел Бела Рамзи сфатил дека таа е вистинскиот кандидат за улогата.
Небинарност, наречена и џендерквир, е сеопфатна категорија за родови идентитети кои не се исклучиво машки или женски. Овие луѓе можат да покажат комбинација на мажественост и женственост во нивното полово изразување, или ниту едно. Небинарните луѓе може да се идентификуваат како луѓе кои имаат преклопени или недефинирани линии помеѓу идентитетите на полот; кои имаат два или повеќе пола (биполни, триполни, или панполни); кои немаат пол (аполни, неполни, бесполни, ослободени од пол, неутроис); кои се движат меѓу половите или имаат променлив полов идентитет (половофлуидни); или кои се трет пол или останати полови, категорија која ги вклучува оние кои не го именуваат својот пол.
