Барселона можеби минува низ деликатен момент на спортски и економски план, но силата на брендот не е мизерна и според каталонскиот весник Sport, клубот ја добил најголемата спонзорска понуда во фудбалската историја.
Како спортски клуб со најмногу следбеници на планетата на социјалните медиуми (севкупно на Twitter, Facebook, Instagram и другите платформи), Барса продолжува да биде главна атракција за многу мултинационални компании кои сакаат да соработуваат со тимот од Блауграна.
Во моментов, на шест месеци пред истекот на двата најважни спонзорски договори кои клубот ги има за дресот (Rakuten и Beko), Барса на својата маса ја има најголемата спонзорска понуда во историјата на фудбалот, тврди Sport.
Американската компанија VeganNation преговара со Барселона од ноември, а во игра е и азискиот гигант Tencent, најголемата технолошка компанија во светот.
Детали не се прецизираат, но Sport наведува дека станува збор за суми кои никогаш досега не биле платени во фудбалската индустрија, што би можело да стави крај на долгот на Барселона.
Изгледа дека има излез од кризата на каталонскиот гигант, а Барселона ќе ја гледаме во препознатливо светло од лето, вклучително и големи трансфери како оној на Ерлинг Холанд, кој се најавува.
