Кошаркарот на Црвена звезда, Милош Теодосиќ, е суспендиран на два натпревара и казнет со 15.000 евра поради исклучувањето на натпреварот од 30. коло на Евролигата против Анадолу Ефес, објави организацијата на својата официјална веб-страница.
Натпреварот меѓу Анадолу Ефес и Црвена звезда се одигра на 11 април во Истанбул, а заврши со победа на домашната екипа од 100:55.
Теодосиќ беше исклучен во третата четвртина од натпреварот поради расправија со судиите.
„Теодосиќ е суспендиран на 2 натпревара во натпреварувањата во Евролигата и казнет со 15.000 евра поради непочитување на судиите на натпреварот против Анадолу Ефес врз основа на член 27.2.б од Дисциплинскиот законик на Евролигата“, се наведува во соопштението на елитното натпреварување.
Во соопштението на Евролигата се додава дека кошаркарот Џоел Боломбој, од Црвена звезда, е казнет со 2.500 евра поради наводна намера да биде агресивен кон друго лице. Евролигата го санкционираше играчот на Ефес, Тајрик Џонс, со 5.000 евра.
Во соопштението се наведува и дека и другиот српски клуб, Партизан, е казнет со 3.000 евра поради палење бакљи на натпреварот од 30. коло против Валенсија (79:66).
