Познатата грчка новинарка Дора Пантели испиша историја бидејќи стана прва жена која коментира натпревари од Евролигата.
Една од најубавите новинарки во светот беше заштитно лице на телевизијата Nova Sport во Грција, но работеше и за Евролигата.
Интервјуираше играчи и правеше извештаи, а сега отиде чекор понатаму откако почна да ги коментира натпреварите од плеј-офот во Евролигата.
Дора гордо објави селфи на Instagram од салата во Атина каде го пренесуваше третиот натпревар помеѓу Олимпијакос и Барселона.
„Мојата мисија: кршење стереотипи секој ден. Коментирање на овогодинешниот плеј-оф на Евролигата. Ова е за сите жени кои ја сакаат кошарката. Коментатори ширум светот. Не можам да лажам, сакам да правам интервјуа за време и по натпреварите, да бидам новинарка, но ништо не може да се спореди со тоа што можеш да коментираш натпревар во живо. Девојки, знам дека не сме многу, но нè има доволно за да направиме разлика“, напиша Дора со голема насмевка на лицето.