Како Лестер ја прокоцка шансата за враќање во Премиер лигата?

Додека фокусот на фудбалската јавност е насочен кон елитните натпреварувања, Лестер од Чемпионшип е на пат да го добие епитетот најголем губитник сезонава во целиот фудбалски свет.

Лестер доживеа шокантно испаѓање од Премиер лигата минатата година, станувајќи веројатно тимот со најмногу ѕвезди што испаднал во последните години.

Исполнет со играчи кои чинат десетици милиони евра, тимот на Лестер испадна и се очекуваше итно враќање бидејќи дури девет од 10-те најплатени играчи во Чемпионшип моментално се во овој тим.

Сè одеше во таа насока со месеци. Пред само 12 недели Лестер имаше неверојатни плус 17 во однос на местата кои не водат кон повисок ранг. Се чинеше дека сè е готово и дека Лестер треба само да ја приведе сезоната до крајот.

Но, три месеци подоцна, состојбата на табелата е следна: Лестер повеќе не е прв или втор, туку падна на третото место во Чемпионшип.

Славните Лисици беа престигнати од екипите на Ипсвич и Лидс, по вчерашните резултати. Лестер беше поразен од Бристол Сити, а Ипсвич и Лидс скокнаа со бодови.

Потсетуваме, промоција од Чемпионшип во Премиер лигата обезбедуваат двете првопласирани екипи, додека позициите од третата до шестата водат во баражот.

Иако Лестер сè уште важи за фаворит за пласман во најелитниот ранг на англискиот фудбал, фактот што прокоцкаа предност од 17 поени во рекордно време може да влијае и на психолошкиот моментум на тимот, а тимот на Енцо Мареска може да се најде во уште поголеми проблеми. наскоро.