Приходите на Starbucks, една од компаниите кои се соочуваат со протести и кампањи за бојкот поради израелските напади врз Газа, се намалени во периодот јануари - март оваа година, јавува Anadolu.
Американскиот ланец на кафулиња Starbucks го објави билансот на состојба и добивката за првиот квартал од оваа година. Податоците покажуваат дека приходите на компанијата се намалени за два отсто во периодот јануари-март и паднале на приближно 8,6 милијарди долари.
Очекувањата на пазарот беа дека компанијата ќе оствари приход од 9,1 милијарди долари во тој период.
Сообраќајот во продавниците на Starbucks исто така забележа пад од шест проценти.
Извршниот директор на Starbucks, Лаксман Нарасимхан, на конференциски повик со инвеститорите по објавувањето на заработката на компанијата рече дека „перформансот овој квартал беше разочарувачки и не ги исполни очекувањата“.
