Љубителите на чоколадо ќе ви кажат дека се „луди“ по чоколадо бидејќи на нив делува како „дрога“ – ги смирува додека се под стрес, им го подобрува расположението и предизвикува чувство на задоволство откако ќе го изедат.
Досега многу студии покажаа дека постои храна која предизвикува зависност во нашиот организам, а научниците одвоија кои се најопасни.
Психолози од Универзитетот во Мичиген и Вирџинија Тек издвоија пет намирници кои предизвикуваат голема зависност. Резултатите од студијата се објавени во списанието Addiction.
Според нив, храната која е високо обработена и содржи адитиви предизвикува зависност исто колку и цигарите и тутунот.
Издвоија пет намирници кои практично прават да чувствувате криза на апстиненција кога не ги јадете. Тоа се чипс, сладолед, пилешки нагетс (пилешки ќофтенца кои се служат во ресторани за брза храна), колачиња и помфрит.
До овие резултати научниците дошле водејќи се по критериумите кои се применуваат во процената на зависност од цигари. Редовната консумација на нездрава, преработена храна може да доведе до прејадување, бидејќи таквата храна, исто како никотинот, влијае на расположението и општото здравје.
