САД го направија првото тестирање на футуристичкиот подводен дрон Manta Ray кој може да „хибернира“ на морското дно.
Ова беспилотно летало е производ на американската компанија Northrop Grumman и е дел од проектот на американската морнарица за развој на нова класа на подводни дронови кои можат да извршуваат долги мисии. Дронот е помал од чамец и може да се движи долго време без надзор или потреба од полнење гориво.
Аналитичарите претпоставуваат дека американската морнарица сака да развие беспилотно летало што може да се користи за пребарување на руски и кинески подморници.
Како што најавија од компанијата Northrop Grumman, нивниот производ може да се закотви на морското дно и да „хибернира“ во режим на мала моќност. Дизајниран е лесно да се транспортира низ целиот свет.
Но, САД не се единствената земја која работи на подводни дронови. Имено, во јануари минатата година руската морнарица објави план за развој на 30 подводни дронови Poseidon. Станува збор за роботска мини-подморница во форма на торпедо, за која Русија тврди дека може да достигне брзина од 100 јазли (185 километри на час).
Русите тврдат дека нуклеарниот погон на дронот ќе овозможи домет од речиси 100 километри и дека може да носи нуклеарна боева глава.
Украина развива и подводни дронови, па објави видео за кое тврди дека го покажува успешното тестирање на подводниот самоубиствен дрон наречен Marichka. Австралија има и подводен дрон, а на негов развој работи и Велика Британија, пишува британскиот весник Telegraph.