Цезар салатата со сардини и лук ќе им се допадне на сите љубители на риба.
Цезар салата не мора секогаш да се прави со пилешко, во оваа верзија се прави со сардини, лук и жолчка од јајце. Ако сакате Цезар салата, можеби ќе сакате да го пробате овој рецепт кој е подобар отколку во ресторан.
Потребни состојки:
- 3 лажици + 105 мл маслиново масло
- 2 чешниња лук
- 375 гр тост леб
- 57 гр пармезан
- 1 голема жолчка од јајце
- 15 мл сок од лимон
- 2 до 6 сардини
- 1 лажичка Ворчестер сос
- 80 мл масло од канола
- 2 главици зелена салата
- сол
- бибер
Подготовка:
Од зелената салата ви требаат само внатрешните листови, измиени и внимателно исушени, големите листови искинати на помали парчиња, помалите листови оставете ги цели. Лукот истолчете го, лебот исечкајте го на коцки, а пармезанот изрендајте го.
Ставете ја решетката од рерната на средина и загрејте ја рерната на 190°C. Во помал сад измешајте 3 лажици маслиново масло со толчено лукче и матете 30 секунди. Префрлете го во цедалка со ситна мрежа поставена на голем сад и притиснете со задниот дел од лажицата за да извлечете што повеќе масло, истиснатиот лук тргнете го на страна. Додадете ги коцките леб во маслото од лук и измешајте. Додадете 2 лажици пармезан, повторно измешајте и зачинете со сол и бибер по вкус. Префрлете сѐ во плех за печење. Печете додека коцките леб не станат златно кафени и крцкави, околу 15 минути. Извадете го од рерна и посипете со уште 2 лажици пармезан. Оставете да се излади.
Додека се печат коцките леб, направете го преливот. Измешајте ги жолчката, сокот од лимон, сардините, Ворчестер сосот, истиснатиот лук и пармезанот и ставете ги во блендер. Додека блендерот работи, полека сипете го маслото од канола додека не се формира мазна смеса. Префрлете ја смесата во среден сад. Со постојано мешање, полека сипајте го преостанатото маслиново масло. Зачинете по вкус со сол и бибер.
За сервирање, прелијте ја зелената салата со неколку лажици од добиената смеса, додавајќи повеќе по желба. Потоа додадете половина од преостанатиот пармезан и три четвртини од коцките леб и повторно измешајте. Префрлете ги во сад за салата и посипете ги со преостанатите пармезан и коцки леб.