Сите зборуваат за овој метод на сушење алишта.
Често се случува облеката да ни биде влажна во најнезгодниот момент, но една техника на сушење, која стана голем хит на интернет и социјалните мрежи, може да ги промени работите доколку немате машина за сушење алишта.
Сè што ви треба е чиста фротирна крпа, по можност што е можно подебела, и ќе разберете зошто.
Првиот чекор е да го ставите свежо испраното парче облека, како што е маица, на крпата. Свиткајте го со крпата во голем ролат, а потоа со колената притиснете ја свитканата крпа да се исцеди вишокот на влага. Кога ќе го тргнете пешкирот, ќе забележите дека вашето парче облека е речиси суво!
Друг начин е, откако ќе ја завиткате маицата во крпа, едноставно да ја исцедите влагата од неа, а потоа да ја отворите крпата и да ја оставите маицата да се досуши на воздух некое време.
Доколку брзате и немате време да чекате да „дише“ маицата, можете да користите фен - закачете ја и сушете ја неколку минути.
Овој трик за брзо сушење алишта воодушеви многу корисници на социјалните мрежи, па зошто да не го пробате сами?