Ако користите ореви за правење десерти или сакате да ги грицкате, дознајте како да го продолжите нивниот рок на траење.
Во минатото ниту едно домаќинство не можело да се замисли без ореви во оставата. Се користат за подготвување торти, колачи, салати, но се и вкусна закуска помеѓу оброците. Оревот е полн со витамини А, Е и Ф, а содржи и цинк, железо, кобалт, растителни протеини и јод. Затоа е добро да јадете по неколку ореви секој ден или секој втор ден. Многумина купуваат големи количини ореви, па ги чуваат во оставата, или некој кујнски елемент со храна. Сепак, тоа не е добро бидејќи собната температура не влијае добро на нив.
Ако ги чувате оревите на собна температура, тие ги губат своите корисни својства, но стануваат и горчливи. Доколку сакате да им го продолжите рокот на траење, тогаш постои едноставно решение. Сè што треба да направите е да ги чувате овие јаткасти плодови во замрзнувач, па ќе можат да траат и до една година без да ги загубат своите корисни својства.
Како да ги подготвите оревите за складирање во замрзнувач?
Прво излупете ги, па ставете ги во пластичен сад. Ако немате доволно пластични контејнери, можете да користите и кеси што се затвораат. Важно е добро да се затворат пред да ги ставите во замрзнувач.
Кои се придобивките од чувањето на оревите во замрзнувач?
Покрај тоа што ќе бидат свежи речиси една година, тие нема да бидат горчливи и сепак ќе содржат витамини и минерали.