„Vogue 100: A Century of Style" е името на изложбата по повод стогодишнината од раѓањето на британското списание - најпознатиот моден магазин во светот.
Изложбата што ќе биде поставена во лондонската National Portrait Gallery ќе вклучи ретки фотографии и едиторијали од списанието, направени за време на постоењето на истото, во периодот 1916-2016 година.
Меѓу нив се наоѓаат ретки фотографии од The Beatles, „изгубени“ фотографии од младата Кејт Мос, Џад Ло како и ретро фотографии што ја отсликуваат модата од 20-тите години на минатиот век и декадите што следат по неа.
Vogue, списанието што се нарекува „модна библија“, беше основано уште во 1892-та година во САД. Денеска магазинот за мода и животен стил излегува еднаш месечно, во 23 различни земји во светот.
