Попладнево на Бит Пазар започна протестот во организација на Движењето за реформи ДПА и Здружението на поранешни политички затвореници и прогонети Албанци во Македонија, од Организацијата на воени ветерани на ОНА и други граѓански организации.
Според организаторите, протестот е против опструкциите на Специјалното јавно обвинителство и затворањето на Албанците по налог на актуелната власт.
Во повикот на протест тие побараа владеење на правото, департизација на институциите и целосна еднаквост на Албанците и Македонците.
Демонстрантите носат албански и американски знамиња и од Бит Пазар се движат кон Собранието, каде треба да има обраќање.
