Омилената холивудска актерка Џенифер Анистон изненади со своето појавување на новата насловна страница на магазинот People, која беше објавена по повод нивната 50-годишнина.
Бројни познати личности позираат со Анистон на насловната страница, но ѕвездата на „Friends“ привлече најголемо внимание поради неверојатно младешкиот изглед.
„Премногу фотошоп или?“, „Анистон изгледа двојно помладо“, „Ова е Џенифер Анистон??“, се дел од коментарите, а многумина забележаа како и останатите на насловната имаат испеглани лица затоа што немаат една брчка.
Некои потсетија и дека Анистон неодамна беше фотографирана пред добро познатата канцеларија за пластична хирургија „The Retreat At Split Rock“ во Конектикат, која е специјализирана за професионално подигнување на лицето.
Џенифер беше уловена од папараците додека со Сандра Булок излегуваше од канцеларијата на д-р Нил А. Гордон, кој води пластична и реконструктивна хирургија на лицето, и е специјализиран за подмладување на лицето и ринопластика, а нуди и инјекции на ботокс.
Ова поттикна гласини дека Анистон својот инаку младешки изглед го должи на редовните процедури, иако таа секогаш ги негираше.
