Тренерот на Бреша предвреме го испратил Марио Балотели под туш поради мрзеливост за време на синоќешниот тренинг.
На проблематичниот Балотели не му се тренирало на синоќешната сесија па се однесувал крајно индиферентно кон задачите кои тренерот Фабио Гросо им ги давал на фудбалерите.
Тоа на стратегот воопшто не му се допаднало и решил да го избрка Балотели за да не дава лош пример кон неговите соиграчи. Го испратил предвреме во соблекувалната од каде Марио со својот автомобил веднаш си заминал дома, јавува La Gazzetta dello Sport.
Ова од клубот не сакаа да го потврдат туку пробаа да прикажат сосема друга приказна:
„Балотели беше заменет од страна на Гросо за време вежбањето нови тактити како подготовка за нaредниот натпревар и затоа превреме се упати кон соблекувалната“, стои во клупското соопштение.
Колку и дали се испокарале Балотели и Гросо ќе видиме в недела од 15 часот кога Бреша ѝ гостува на Рома на „Олимпико“.