Захир Бекири-Чауш е осуден на две години и шест месеци затвор, додека неговиот брат Имер Бекири на една година, за случајот „Фабрика за афери“.
Браќата Бекири се прогласени за виновни за фалсификување лични карти и документи.
До правосилност на пресудата, тие од денеска се пуштени на слобода.
Обвинителката Наташа Гочовска на вчерашните завршни зборови рече дека сослушаните сведоци и вешти лица и изведените материјални докази, недвосмислено ги потврдуваат делата кои им се ставаат на товар на обвинетите.
Браќата, во понеделникот, побараа да бидат ослободени, а Чаушот го обвини министерот за внатрешни работи, Митко Чавков дека тој го конструирал целиот случај за него.
