Лино Червар, селекторот на македонската ракометна репрезентација, го скрати списокот на играчи, на кои ќе смета за квалификациските натпревари против Украина и Чешка.
По првичниот список од 28 имиња, денеска го објави скратениот список. Ракометарите првиот собир ќе го имаат на 30. октомври.
Македонија квалификациите за пласман на Европското првенство во Хрватска, во 2018 година, ќе ги отвори против Украина на 2. ноември во Скопје, а три дена подоцна ќе гостува во Чешка. Покрај овие три репрезентации во квалификациската група се наоѓа и Исланд.
Списокот на Червар за мечевите со Украина и Чешка:
Борко Ристовски (Барселона), Томовски (Металург), Даскаловски (Тимисоара), Ојлески (Ородехи), Манасков (Рајн Некар), Георгиевски (Букурешт), Кузмановски, Талевски , Нелоски, Велковски (сите од Металург), Стоилов (Вардар), Кирил Лазаров (Барселона), Филип Лазаров (Тимисоара), Никола Маркоски (Орошази), Велко Маркоски (Загреб), Ацо Јоноски (Бергишер),Митков (Кремс), Прибак (Бешикташ), Тасевски (Пелистер), Поповски (Вардар јуниор), Арнаудоски (Ферлах).
