Американската агенција ЦИА објави документи за НЛО случаите и летачките чинии. Сите документи датираат од периодот од 40-тте и 50-тите години на минатиот век, а агенцијата на духовит начин ги поделила на документи што би го интересирале Молдер и документи што би ја интересирале Скали, алудирајќи на главните ликови од X-Files.
Агенцијата на духовит начин зборува за ситуациите поврзани со летачки чинии и неидентификувани летачки објекти.
Во некои од случаите се зборува за голема летачка чинија која имала пречник од околу 15 метри, а е забележана во Источна Германија, а се спомнуваат и НЛО случаи и од Шпанија и од северна Африка.
Меѓу документите што ги објави ЦИА се и неколку слики од наводни вонземски објекти, вклучувајќи и НЛО и делови од тела на вонземјани. Интересно е што објавувањето на овие документи се поклопува со премиерата на популарната серија X-Files.
Така во еден од документите има совети за тоа како да направите колку што е можно подобра фотографија од НЛО.
„Направете колку што е можно повеќе фотографии од неидентификуваниот летачки објект, а ако е возможно, на фотографијата нека се гледа и дел од земјата, а не само објектот, за да се види колку е голем и колку е блиску“ - порачуваат од агенцијата.