Една од најпознатите и најубавите спортски новинарки во светот – Италијанката Дилета Леота - привлече големо внимание на стадионот на Ливерпул „Енфилд“, а особено беше интересно како гостинските навивачи на Наполи ја поздравија кога убавицата пристигна на теренот.
На Дилета, пишуваат медиумите во Италија, ова ѝ бил прв натпревар кој го одработила надвор од Италија, а додаваат дека во последните недели многу внимание посветила на курсевите по англиски јазик со цел нејзиното излагање да биде што е можно попрофесионално и да се претстави во најдобро светло на нејзиното „деби“.
Кога се појави на теренот, Дилета наиде на огромно изненадување и веројатно не ни очекуваше дека навивачите на Наполи ќе скандираат и ќе ја поздрават од трибината на гостинските навивачи, што од друга страна доволно зборува за нејзината популарност и препознатливост.
Иако скандирањето во суштина беше од шеговит карактер, по изразот на лицето на згодната новинарка можеше да се забележи дека ѝ се допадна песната на навивачите на Наполи.
Како што е секогаш случај со неа, така и овојпат го привлече вниманието со изгледот. На „Енфилд“ се појави во краток црн фустан и кожена јакна, а изгледот го заокружи со високи црни потпетици.
Нејзин гостин за време на директниот пренос беше легендарниот Емил Хески.
Што се однесува до натпреварот, Ливерпул победи со 2:0 со голови на крајот од средбата, но тоа не беше доволно за да го заземе првото место во групата.
