Ноќеска на паркетот во НБА вниманието ги привлекоа кошаркарите од Балканот, што и не е некоја бомбастична вест со оглед на тоа што веќе сите навикнаа на нивните добри игри.
Далас Маверикс славеше на гостувањето во Детроит со 131:113, а Лука Дончиќ одигра на вообичаеното ниво. Одличниот словенечки центар постигна 26 поени и 14 асистенции со 8 скока, а одличен беше и Џејлен Брансон со 24 поени.
Во редовите на Детроит единствен расположен за игра беше Кејд Канингем кој натпреварот го заврши со 25 поени, 7 скока и 9 асистенции.
Кошаркарите на Атланта Хокс беа подобри од Вашингтон Визардс на домашен терен, а еден од најзаслужните за победата беше Богдан Богдановиќ. Српскиот бек погодуваше тројки како никогаш досега сезонава, и го постави својот сезонски рекорд од 6 погодени удари зад линијата за три поени. Популарниот Боги натпреварот го заврши со 18 поени, а додаде и 2 скока и 4 асистенции.
Тре Јанг уште еднаш блесна во дресот на Атланта со неверојатни 30 поени и 11 асистенции, а одлична вечер имаше и италијанскиот ветеран Данило Галинари кој покрај 26 поени додаде и 26 скока за одличен дабл-дабл учинок.
Кај Вашингтон, Латвиецот Кристапс Порзињѓис постигна 28 поени и додаде дури 18 скока, но тоа едноставно не беше доволно за победа.
Пред почетокот на плеј-офот, Атланта го држи 8. место на Истокот, додека Вашингтон е 12-ти без шанси за влез во плеј-офот.
Резултати:
Детроит Пистонс - Далас Маверикс 113:131
Њујорк Никс - Бруклин Нетс 98:110
Атланта Хокс - Вашингтон Визрадс 118:103
Чикаго Булс - Бостон Селтикс 94:117
Јута Џез - Оклахома Сити Тандер 137:101
Лос Анџелес Клиперс - Феникс Санс 113:109
Табела:
