ЕХФ ги објави имињата на сите 16 екипи кои ќе бидат дел од Лигата на шампионите во сезоната 2023/2024. Наредната сезона, Македонија во елитата ќе ја преставува Еурофарм Пелистер. Македонскиот првак беше меѓу десетте тимови што имаа загарантирано учество во Лигата на шампиони.
ЕХФ денеска ги објави имињата на клубовите кои добија специјални покани за настап во Лигата на шампионите.
Очекувано беше покани да добијат Пик Сегед (Унгарија), Висла (Полска), Монпелје (Франција) и Загреб (Хрватска). Уште две покани беа испратени во Алборг (Данска) и Колстад (Норвешка).
Овие шест екипи заедно со Еурофарм Пелистер, европскиот првак Магдебург (Германија), Барселона (Шпанија), ПСЖ (Франција), Кил (Германија), ГОГ (Данска), Веспрем (Унгарија), Кјелце (Полска), Порто (Португалија) и Цеље (Словенија) ќе играат во Лигата на шампионите наредната сезона.
Клубовите чии апликации за добивање на специјална покана беа одбиени, Спортинг (Португалија), Динамо (Романија), Шафхаузен (Швајцарија) и Кристианстад (Шведска), добија директно место во фазата по групи во Европската лига на ЕХФ.
