Ракометната репрезентација на Македонија ќе има тешка задача да избори пласман на Светското првенство отккао вечерва во Торсхавн загуби од Фарските Острови со 34:27.
Македонија, во дуелот со репрезентацијата која беше најпријатното изненадување на последното Европско првенство, во ниту еден момент не беше конкурентна.
Од стартот македонските ракометари му дозволија на домаќинот да го наметне својот стил на игра. Одбраната немаше решение за играчот на Кил, ЕлиасЕлефсен а Скипагету, кој постигна 10 гола.
Македонија ја предводеше Филип Кузмановски со 8 постигнати гола, Митев постигна 5, а Никола Костески 4.
Реванш натпреварот во Скопје се игра в недела од 19:00 часот.
