Македонскиот ракометен првак Еуфорарм Пелистер ги доби противниците за групната фаза од Лигата на шампионите. Во Битола ќе гостуваат звучни имиња на европскиот клупски ракомет, Кјелце, Пари Сен-Жермен, Кил, ПИК Сегед, Алборг, Загреб и Колстад. Тоа се екипите сместени во групата А.
„Пелистерци“ жребот во Виена го чекаа од третиот барабан.
Во групата Б се најдоа Барселона, ГОГ, Веспрем, Магдебург, Висла Плоцк, Монпелје, Порто и Цеље.
Екипите кои што ќе завршат на првите две позиции директно ќе се пласираат во четвртфиналето. Екипите кои ќе завршат на третото, четвртото, петтото и шестото место во групната фаза ќе играат во осминафиналето.
Новата сезона во Лигата на шампионите започнува на 12 септември.
Одредени се групите и за Лигата на шампионите во женска конкуренција. Бранителките на титулата, ракометарките на Вајперс Кристиансанд се предводници на групата Б во која се и Мец, Есбјерг, Рапид, Ференцварош…
Почетокот на новата сезона ќе биде на 9/10 септември.
