Француските средношколци се приклучија на протестите на „жолтите елеци“ во земјата што избувнаа поради високите цени на горивата.
На снимките објавени на видеосервисот YouTube се гледа како средношколците прават хаос во Орлеанс, со ред превртуваат паркирани автомобили на улиците и влегуваат во судир со полицијата.
Слични нереди правеа и средношколците во други градови низ Франција, а илјадници ученици во средните училишта учествуваа во демонстрациите што со недели вријат во Париз.
Протестите на средношколците ги организира Националната унија на ученици од средните училишта поради образовните реформи што ги предложи францускиот претседател Емануел Макрон.
Реформите предвидуваат исфрлање на предмети како наука, општествени студии и книжевност, а учениците мора рано во школувањето да одберат одредено стручно занимање.
Владата сака и да ги промени критериумите потребни за запишување на факултет.
