По прозивките за оставка, градоначалникот на Чаир, Висар Ганиу, му врати на Артан Груби.
„Артан, терапијата ти ја препиша д-р Арбен, ќе ја примиш на 8 мај“, му порача на социјалните мрежи Ганиу на Груби.
Ваквата реакција следува откако вицепремиерот и министер за политички систем од редовите на ДУИ, Артан Груби, донесе куфер пред Општина Чаир и побара оставка од политичарите од албанската здружена опозиција, по синоќешниот резултат од првиот круг на претседателските избор. Груби се појави со куфер пред Општина Чаир и на албанската опозиција ѝ порача да ги депонира оставките.
