Кошаркарот на Детроит Пистонс, Еван Фурние, е казнет со 25.000 долари поради недолично однесување по натпреварот против Мајами Хит, соопштија од седиштето на НБА.
Пистонс пред два дена беа поразени од Мајами со 104:101, а гостите победија со тројката на Бем Адебајо во последната секунда.
Бесен од ваквиот расплет на настаните, францускиот кошаркар ја шутна топката на трибините.
Тоа не им се допадна на челниците на натпреварувањето, па одлучија да го санкционираат за да бидат пример за другите.
@nba.town That ball was no where to be found
♬ original sound - mhfwlimit
„Бекот на Детроит Пистонс, Еван Фурние, е казнет со 25.000 долари затоа што ја шутна топката во публиката“, соопшти извршниот потпретседател на организацијата, Џо Думарс, во соопштението за печатот од НБА.
31-годишниот Фурние на почетокот на февруари пристигна во Детроит од Њујорк Никс, а во најсилната кошаркарска лига во светот настапуваше и за Бостон Селтикс, Орландо Меџик и Денвер Нагетс. Претходно во Франција играше за Пуатје и Нантер 92.
Со репрезентацијата на Франција има сребро од ЕвроБаскетот 2022 и Олимпијадата 2020, како и бронза од МундоБаскетите 2019 и 2014 и ЕвроБаскетот 2015.