Најблиску до возење автомобил на Ferrari во трка повеќето луѓе ќе дојдат со вклучување на видео игрица на конзола или користење на симулатор, но една компанија се потруди да го подигне искуството на повисото ниво.
Станува збор за компанијата Chartwell, која работи под лиценца на Ferrari и е со седиште во Дербишир, Англија. На прв поглед, симулаторот изгледа како вистински автомобил, со тркала, прозорци, значки, па дури и две издувни цевки во центарот на задниот браник. Сепак, единствениот асфалт по кој корисниците ќе возат е направен од пиксели.
Ако се погледне подетално, се откриваат лажни дискови за сопирачки најверојатно направени од хартија, а истото важи и за V8 моторот. Дел од симулаторот се две матични плочи Sporting MSI X470 Gaming Plus, две графички картички Corsair Venegeance LPX GeForce RTX 2080 од 16 GB и AMD 7 2700X процесори, сите сместени во моторниот простор.
Сето ова се напојува со софтверот iRacing, кој корисниците го искусуваат со користење на VR слушалки. Тие се сместуваат во внатрешноста така што седат во две спортски седишта Sparco со подлоги на Next Level Racing Motion Platform V3, за да ги имитираат Г-силите и вибрациите на вистински автомобил. Исто така, има два комплета педали Fanatec Clubsport, секој со три педали, нешто што Ferrari никогаш не го понуди за 458. Напред се тркачките волани Thrustmaster TS-PC Ferrari, така што е можно меѓусебно да се натпреварувате.
Симулаторот се продаде за 32.750 фунти.
